വളാഞ്ചേരിയിൽ പാതയോരത്തും തോട്ടിലും മാലിന്യം തള്ളൽ വ്യാപകം

വളാഞ്ചേരി ∙ വയൽവരമ്പിലും തോട്ടുവക്കിലും പാതയോരങ്ങളിലും വ്യാപകമായ തോതിൽ മാലിന്യം തള്ളുന്നത് പരിസ്ഥിതിക്കും കൃഷിക്കും നാശമുണ്ടാക്കുന്നതായി പരാതി. ജനജീവിതവും ദുരിതമാക്കുന്നുണ്ട്. കൊട്ടാരം, പൈങ്കണ്ണൂർ, പേരശ്ശനൂർ, വെണ്ടല്ലൂർ, വൈക്കത്തൂർ, കാവുംപുറം ഭാഗങ്ങളിലെ കൈത്തോടുകളിലാണ് പ്ലാസ്റ്റിക് അടക്കമുള്ള മാലിന്യം അടിഞ്ഞുകൂടുന്നത്. വളാഞ്ചേരി ടൗണിൽനിന്നുള്ള അഴുക്കുവെള്ളവും ഖരമാലിന്യങ്ങളും പാങ്ങാടച്ചിറ വഴി കൊട്ടാരം തോട്ടിലാണ് എത്തുന്നത്.