ഫാത്തിമയ്ക്ക് ജീവിതം തിരിച്ചുകിട്ടിയ ആശ്വാസം.

മഞ്ചേരി∙ ‘അറിഞ്ഞിരുന്നില്ല, ലോകം ഭയക്കുന്ന രോഗമാണ് എനിക്കെന്ന്. ഒരു സാധാരണ പനി വന്നാണ് ആശുപത്രിയിൽ പോയത്. അവിടെ കിടന്നത് ഒരു മാസത്തിലേറെ’. ജില്ലയിൽ ആദ്യം കോവിഡ് സ്ഥിരീകരിച്ചവരിൽ ഒരാളായ വെള്ളേരി ഫാത്തിമയ്ക്ക് ഒരു മാസത്തിനുശേഷം ആശുപത്രി വിട്ടപ്പോൾ ജീവിതം തിരിച്ചു കിട്ടിയ ആശ്വാസമായിരുന്നു. ‘ ഇത്രയും ദിവസം എന്നെ പോറ്റിയില്ലേ, ഇനി അവർ പറഞ്ഞതു പോലെ ചെയ്യണം. അല്ലെങ്കിൽ രോഗം വീണ്ടും വന്നാലോ, ആശങ്ക വിട്ടൊഴിയാതെ അവർ പറഞ്ഞു.